duh...Ema..
Di sajeuroning ngeucrekna hujan nu marengan poekna peuting
Aya sora anu jentre dina ieu Hape
Sujang…
Syukur ari calageur mah
Eta nu dipenta ku ema beurang jeung peuting
Sujang….
Syukur ari aya dina keberkahan mah
Eta nu dipenta ku ema beurang jeng peuting
Sujang…
Syukur ari aya dina rohmat-Na
Ema ngarasa bagja
Sujang…
Hampura ema tina sagala kasalahan
Maklum sikep kolot ka anak
Ema hayang bebas tina sagala dosa ka anak
Sujang...
Sakali deui,ema menta dihampura
Du'akeun ema sing sehat sing kuat nepi ka tutup ajal
Duh..
Ema… sawangsulna Ujang nu kedah dihampunten ku salira
Ujang tos nyesahkan ti lahir dugi ka ayeuna
Ujang teu malire,Ujang joledar kanu jadi indung
Duh…
Ema… indung Ujang, hampunten Ujang tina sagala kelepatan
Rumaos Ujang janten anak anu tos ngaraheutkeun manah
Nagiweurkeun emutan
Duh…
Ema… keclakna cipanon Ujang nu murudul lir ibarat dosa Ujang ka ema…
Hapunten Ujang …
Duh ...Ema..
Mugia Salira seja ngiklaskeun tiap tetes cai Susu
Nu ngalir dina ieu Awak Ujang
Ayeuna ...
Ujang teu weuleh rikip ku Kamelang
upami ngemutan kana bebendon Salira..
Ya Alloh pangersana Gusti..
Mugia Anjeun nyaangan kiruhna bathin Diri..
kanggo tumut kana temah Wadi..
keur papaes mulang tarima kanu jadi Tunggulna Rahayu.....pun Ema...
